الحمدللہ۔ بڑی خوشی کا مقام ہے کہ 2022 میں ہونے والے اسکالرشپ امتحان میں اے ٹی ٹی ہائی اسکول کے 57 طلبہ نے کامیابی حاصل کی جن میں سے چار طلبہ محمد منتسب باسط غفور ۔ صدیقی محمد اشہر الطاف احمد ۔ محمد عامر عبدالمقیت اور محمد فیضان محمد جیلانی نے شاندار کارکردگی کا مظاہرہ کرتے ہوئے میرٹ میں اپنا نام درج کروایا۔
2020 میں لاک ڈاؤن سے عین قبل کے امتحان میں محمد انس مبشر احمد اور محمد مصعب نظام الدین نے بھی میرٹ میں مقام حاصل کیا تھا۔ اسی طرح امسال ہونے والے اولمپیاڈ امتحان میں بھی اے ٹی ٹی کے 37 طلبہ نے گولڈ میڈل حاصل کرتے ہوئے اسکول کا نام روشن کیا۔ میتھس جیسے مشکل مضمون میں جماعت پنجم گولڈ میڈل حاصل کرنے والے طلبہ میں مومن احمد مجتبی اظہار احمد نے فرسٹ رینک جبکہ مومن محمد حسن شاہد پرویز اور انصاری عبدالرحمن عبدالخالق نے سیکنڈ رینک حاصل کی۔ جماعت ششم میں مومن محمد دانش یاسین نے فرسث رینک جبکہ انصاری سعد احمد مجتبی نے سیکنڈ رینک حاصل کی۔ جماعت ہفتم میں مومن ظفیر احمد شبیر احمد نے فرسٹ جبکہ محمد فیض شیخ عقیل نے سیکنڈ رینک حاصل کی۔ جماعت نہم میں مومن محمد شارق شکیل احمد نے فرسٹ جبکہ مومن عبداللہ مختار احمد نے سیکنڈ رینک حاصل کی۔ انگلش میں گولڈ میڈل حاصل کرنے والے طلبہ میں جماعت پنجم کے مومن احمد مجتبی اظہار احمد نے فرسٹ جبکہ نظیف انجم نفیس احمد نے سیکنڈ رینک حاصل کی۔ جماعت ششم میں مومن عبداللہ ظہیر عباس نے فرسٹ جبکہ محمد شارب راشد نے سیکنڈ رینک حاصل کی۔ جماعت ہفتم میں شاہ ظہیر ملک الطاف حسین نکن فرسٹ رینک اور جماعت نہم میں انصاری عبداللہ رفیق انجم نے فرسٹ رینک حاصل کی۔ اسی طرح سائنس میں گولڈ میڈل حاصل کرنے والے طلبہ میں جماعت ہفتم میں مومن محمد عامر جاوید احمد نے فرسٹ جبکہ مومن دانش عمیر عابد علی نے سیکنڈ رینک حاصل کی۔ جماعت نہم میں انصاری عفان احمد نے فرسٹ جبکہ مومن محمد انس نے سیکنڈ رینک حاصل کی۔
ان تمام طلبہ کے اعزاز میں اسکول میں ایک پروقار تقریب کا انعقاد کیا گیا جس میں اسکول ھذا کے نائب صدر جمیل احمد کرانتی صاحب ۔ چیئرمن اے ٹی ٹی آئی سی جی ایڈوکیٹ شکیل احمد صاحب ۔ اسکول کے ہردلعزیز ہیڈماسٹر اشفاق صدیق سر اور تمام آفس بیئررس کے ہاتھوں ان تمام طلبہ اور ان کو تیار کرانے والے معلمین انیس حمید سر ۔ شکیل حنیف سر ۔ اسامہ سر ۔ نعیم سلیم سر ۔ کلیم سر۔ ناصر سر اور معلمات رعنا میڈم ۔ فرزینہ میڈم ۔ بشری میڈم ۔ فوزیہ میڈم ۔ تبسم میڈم ۔ رضوانہ شکیل میڈم ۔ وحیدہ میڈم ۔ مصباح میڈم ۔ رضوانہ شبخ میڈم ۔ رفیعہ میڈم ۔ ندا میڈم کو انعامات سے نوازا گیا۔
یہاں اس بات کا تذکرہ بیجا نہ ہوگا کہ ایسے ہی ذہین بچوں کی ہمہ جہت ترقی کیلئے اے ٹی ٹی انتظامیہ الامین مشن کولکاتہ کے اشتراک سے اسی سال سے NEET کی کلاسیس شروع کررہی ہے۔ نیٹ کے ساتھ ساتھ مستقبل قریب میں JEE اور UPSC کی کلاسیس بھی شروع ہوں گی۔ ان شاء اللہ۔
فقط ۔ شعبہ نشرواشاعت ۔ اے ٹی ٹی ہائی اسکول اینڈ جونیئر کالج ۔ مالیگاؤں۔
الحمدللہ! ادارہ نثری ادب مالیگاؤں کے زیر اہتمام 17 جنوری 2023 کو بیاد مرحوم محمد اسحٰق خضر آل مالیگاؤں جونیئر و ڈی ایڈ کالج مضمون نویسی مقابلے کا انعقاد کیا گیا. جس میں شہر عزیز مالیگاؤں کی تمام جونیئر و ڈی ایڈ کالجس سے طلبہ و طالبات شریک مقابلہ ہوئے. “اٹھ کہ اب بزم جہاں کا اور ہی انداز ہے“ عنوان پر تمام شرکاء مقابلہ نے اپنے زور قلم کا مظاہرہ کیا. مقام مسرت ہے کہ اے ٹی ٹی ہائی اسکول و جونیئر کالج جماعت بارہویں سائنس کے ہونہار طالب علم شیخ ریان شیخ رمضان بہترین مضمون پیش کرنے پر اول انعام کے حقدار قرار پائے. انہیں کتابیں، قلم، ٹرافی، سند، دیوار گھڑی اور نقد رقم پر مشتمل انعامات سے نوازا گیا.
ساتھ ہی انعام یافتہ طلبہ کے ہیڈماسٹر صاحبان کو بھی اعزاز سے نوازا گیا. اس عظیم الشان کامیابی پر شیخ ریان کو ہیڈ ماسٹر، آفس بیررس، اسٹاف اور طلبہ طالبات کی جانب سے مبارکباد اور نیک خواہشات پیش کی گئیں.
اللہ کرے زور قلم اور زیادہ آمین
منجانب :شعبہ نشرو اشاعت اے ٹی ٹی ہائی اسکول اینڈ جونیئر کالج مالیگاؤں
*اے ٹی ٹی میں کوئز کا شاندار انعقاد*
انٹر اسکول مقابلے میں اے ٹی ٹی نے اول ، جے اے ٹی نے دوم اور مالیگاؤں نے سوم مقام حاصل کیا۔
الحمدللہ ۔ اے ٹی ٹی میں سالانہ ثقافتی تقاریب اپنی روایتی شان کے ساتھ جاری ہیں۔ اسی سلسلے کی ایک اہم کڑی اور اسکول کی انفرادی تقاریب میں سے ایک انٹر اسکول کوئز کمپٹیشن کا انعقاد 2 جنوری بروز پیر صبح نو بجے عمل میں آیا۔
ضیاءالرحمن زری والا صاحب کی صدارت میں شروع ہونے والی اس تقریب کا آغاز قاری آصف اقبال سر کی تلاوت کلام پاک سے ہوا۔ تحریک و تائید صدارت نوید یاسین سر نے پیش کی۔ استقبالیہ کلمات کے ذریعے اسکول ھذا کے ہردلعزیز ہیڈماسٹر اشفاق صدیق سر نے آئے ہوئے مہمانوں کا پرتپاک استقبال کیا۔ عذیر سر نے کوئز کی اہمیت و افادیت پر روشنی ڈالتے ہوئے پروگرام کے اغراض و مقاصد پیش کئے۔
مہمانان میں ڈاکٹر شفیق جمیل حسن صاحب ، اسامہ جلال الدین قاسمی المعروف فرنود رومی صاحب ، ریٹائرڈ سپروائزر اقبال شیخ صاحب ۔انجمن ترقی تعلیم کے نائب صدر اور چیئرمن کلچرل کمیٹی جمیل احمد کرانتی صاحب ۔ آنریری سکریٹری پروفیسر عبدالمجید صدیقی صاحب ۔ جوائنٹ آنریری سکریٹری عبدالغفور سیٹھ صاحب ۔ رکن انجمن سراج احمد سیٹھ صاحب ۔ ہیڈماسٹر اشفاق صدیق سر ۔ آبزرورس ریٹائرڈ اسسٹنٹ ہیڈماسٹر شکیل انصاری سر و نظام الدین سر (سویس) ۔ اسسٹنٹ ہیڈماسٹر عبدالرشید پنجاری سر ۔ اسٹنٹ ہیڈماسٹر جونیئر کالج محمد آمین سر ۔ سپروائزرس عبدالستار سر ۔ احمد مجتبی سر اور محی الدین سر ۔ ریٹائرڈ اسسٹنٹ ہیڈماسٹر مشیر انصاری سر اور مزمل ڈگنٹی صاحب (جمہور) رونق اسٹیج رہے۔
شکیل حنیف سر نے تمام مہمانوں کا تعارف پیش کیا۔ اراکین انتظامیہ و آفس بیئررس کے ہاتھوں سب کا شایان شان استقبال کیا گیا۔ امجد سر نے مقابلے کی شرائط پیش کیں۔ کوئز کے آبزرورس شکیل انصاری سر اور نظام الدین سر کی نگرانی میں مقابلہ شروع ہوا۔ سپروائزر احمد مجتبی سر ۔ امجد سر ۔ سعود سر اور خالد سر نے اینکرنگ کرتے ہوئے سوالات پوچھے۔ شکیل حنیف سر نے مقابلے کے کنٹرولر کے فرائض انجام دیے۔ اس مقابلے کے پہلے راؤنڈ میں شہر عزیز کی 13 جونیئر کالجوں سے تین تین طلبا / طالبات پر مشتمل 13 ٹیموں نے حصہ لیا۔ سب سے زیادہ نمبرات حاصل کرنے والی تین ٹیمیں فائنل میں پہنچیں۔ فائنل مقابلے میں اے ٹی ٹی اول ۔ جے اے ٹی دوم اور مالیگاؤں جونیئر کالج نے سوم مقام حاصل کیا۔
صدر مجلس ضیاء الرحمن زری والا نے شاندار پروگرام پر اے ٹی ٹی کے طلبہ اور اسکول کو مبارکباد پیش کی۔ بعد ازاں شفیق جمیل حسن صاحب نے صدارت کی ذمہ داری نبھائی۔ تاثرات میں اقبال شیخ صاحب نے جنرل نالج کی اہمیت پر روشنی ڈالی۔ اے ٹی ٹی کے آنریری سکریٹری عبدالمجید صدیقی صاحب نے شاندار کارکردگی کے مظاہرے پر طلبہ واساتذہ کی حوصلہ افزائی کی۔ انجمن کے نائب صدر جمیل احمد کرانتی صاحب نے مقابلے کی اہمیت بیان کرتے ہوئے طلبہ کو نصیحتیں کیں۔ شکیل انصاری سر نے بطور آبزرور اپنے تاثرات پیش کئے۔ آبزرور نظام الدین سر نے نتائج کا اعلان کیا۔ فرنود رومی صاحب نے صدر مجلس کی جانب سے خطبہ صدارت پیش کرتے ہوئے اپنے دلی جذبات کا اظہار کیا۔ نظامت کے فرائض فہیم احمد سر نے انجام دیے۔ مجیب الرحمن سر کے رسم شکریے پر اس بامقصد تقریب کا اختتام ہوا۔
فقط ۔ شعبہ نشرواشاعت اے ٹی ٹی ہائی اسکول اینڈ جونیئر کالج ۔ مالیگاؤں۔
اے ٹی ٹی فائنل فاتح، ٹی ایم فائنل مفتوح
💐💐💐💐💐💐💐💐
الحمدللہ نئے سال کے پہلے دن یکم جنوری بروز اتوار صبح نو بجے اے ٹی ٹی ہائی اینڈ جونیئر کالج مالیگاؤں میں انٹر ہائی اسکول بیت بازی کا مقابلہ منعقد ہوا جس میں شہر عزیز کی 17 ہائی اسکولوں سے تین طلبا/طالبات کی ٹیمیں شریک ہوئیں.
معروف ادیب وناقد ڈاکٹر اشفاق انجم صاحب کی صدارت میں پروگرام کا آغاز دسویں جماعت کے طالب علم مومن محمد معاذمحمد عبداللہ کی قرات سے ہوا.
محترمہ رضوانہ میڈم نے تحریک وتائید صدارت پیش کی. ہر دلعزیز ہیڈماسٹر محترم اشفاق صدیق صاحب نے استقبالیہ کلمات پیش کیے.
راشد جمیل سر نے پروگرام کے اغراض و مقاصد بیان کیے. فہیم سر نے مہمانانِ مکرم ڈاکٹر اشفاق انجم، ڈاکٹر شہروز خاور، جاوید اختر ایوب صدیقی سر، کا تعارف پیش کیا. اراکین انتظامیہ جوائنٹ سیکرٹری عبدالغفور سیٹھ، حاجی سراج سیٹھ و آفس بیررس کے ہاتھوں گلہائے عقیدت سے استقبال کیا گیا. سبکدوش اساتذہ میں مشیر سر، سعید امین اشرفی سر، اسی طرح ڈاکٹر مشاہد رضوی، پیراڈائز کے پرنسپل فیاض سر، معروف صحافی عبدالحلیم صدیقی، اسسٹنٹ ہیڈماسٹر عبدالرشید پنجاری، سپروائزرس عبدالستار سر، احمد مجتبٰی سر اور محی الدین شیخ سر رونق اسٹیج رہے.
اسسٹنٹ ہیڈماسٹر جونیئر کالج محمد امین سر نے شرائط مقابلہ کی خواندگی کی.
اس کے بعد باقاعدہ بیت بازی مقابلے کا آغاز کیا گیا. تمام اسکولوں کی ٹیموں کو اردو کے معروف شعرا کرام کے نام سے منسوب کیا گیا. مسعود جمال سر، رئیس کریم سر، شاہد عبدالوحد سر اور مبشر سر نے اینکرس کے فرائض انجام دیے. کوارٹر فائنل سے زیادہ نمبرات لینے والی چار ٹیمیں نکالی گئیں پھر ان میں سے دو ٹاپ ٹیمیں اقبال اور میر کے درمیان فائنل مقابلہ ہوا جس میں اے ٹی ٹی ہائی اسکول مالیگاؤں کی اقبال ٹیم نے ٹی ایم ہائی اسکول کی میر تقی میر ٹیم پر فتح حاصل کرتے ہوئے ٹرافی اپنے نام کی.
چیئرمین کلچرل کمیٹی ونائب صدر انجمن ترقی تعلیم الحاج جمیل احمد کرانتی صاحب نے اپنے تاثرات میں تمام ٹیموں کی حوصلہ افزائی فرمائی. انہیں مبارکباد پیش کرتے ہوئے مفید مشوروں سے نوازا. کار گزار صدر تقریب پروفیسر عبدالمجید صدیقی صاحب نے انتہائی پرمغز اور طلبہ و اساتذہ کیلئے یکساں طور پر ہر لحاظ سے جامع خطبہ صدارت پیش فرمایا. جس پر عمل کرنے سے ہماری زبان و تہذیب کو مزید ترقی و عروج عطا ہوسکتا ہے. آپ نے بھی فائنل فاتح، مفتوح سمیت تمام ٹیموں کو مبارکباد دی. اخیر میں محمد امین سر نے اہم باتوں کی وضاحت کے ساتھ نتائج کا اعلان کیا. فائنل فاتح اور مفتوح دونوں ٹیموں کو ٹرافی نقد رقم اور کتابوں سے نوازا گیا. تمام شریک مقابلہ ٹیموں کو پین اور سرٹیفکیٹ سے نوازا گیا. ثوبیہ میڈم کے رسم شکریہ پر پروگرام کا اختتام عمل میں آیا. نظامت کے فرائض نعیم سلیم سر نے انجام دیے.تقریباً چار گھنٹوں پر مشتمل مجموعی طور پر یہ پروگرام نہایت شاندار رہا. جس کے اثرات دیرپا رہیں گے.
شعبہ نشرواشاعت اے ٹی ٹی ہائی اینڈ جونیئر کالج مالیگاؤں
اس پرمزاح تقریب کی صدارت طنزومزاح کے معروف شاعر ظہیرالدین محمد عمر المعروف ظہیر قدسی صاحب نے کی۔ تقریب کا آغاز پانچویں اے کے طالب علم محمد رافع محمد فاروق کی تلاوت کلام پاک سے ہوا۔ رعنا جمیل میڈم نے تحریک صدارت پیش کی جس کی تائید رقیہ میڈم نے کی۔ ہیڈماسٹر اشفاق صدیق سر نے استقبالیہ کلمات کے ذریعے آئے ہوئے تمام مہمانوں کا پرتپاک استقبال کیا۔ انیس عبدالحمید سر نے تقریب کے اغراض و مقاصد پیش کئے۔ صدر مجلس ظہیر قدسی صاحب کے ساتھ مہمانان میں خوش نویس اور مزاح نگار آصف سبحانی صاحب ، نذیر اکبر المعروف مجاور مالیگاؤنوی صاحب ، ریٹائرڈ اسٹنٹ ہیڈماسٹرس مشیر انصاری سر اور شکیل انصاری سر ، ریٹائرڈ سپروائزر عبدالرحمن سر ، سبکدوش اساتذہ سعید خلیل سر اور کے ایف انصاری سر ، اے ٹی ٹی کے وائس پریسیڈنٹ و چیئرمن کلچرل کمیٹی جمیل احمد کرانتی صاحب ، جوائنٹ آنریری سکریٹری عبدالغفور سیٹھ صاحب ، رکن انتظامیہ سراج احمد سیٹھ صاحب ، اے ٹی ٹی ڈی ایڈ کے پرنسپل انیس سر ، اسکول ھذا کے ہیڈماسٹر اشفاق صدیق سر ، اسٹنٹ ہیڈماسٹر عبدالرشید پنجاری سر ، جونیئر کالج اسٹنٹ ہیڈماسٹر محمد آمین سر ، سپروائزرس عبدالستار سر ، احمد مجتبی سر اور محی الدین سر رونق اسٹیج رہے۔ مہمانوں کا تعارف اعجاز نذیر سر نے پیش کیا اور تمام ہی مہمانوں کی خدمت میں ہیڈماسٹر صاحب ، آفس بیئررس اور اراکین انتظامیہ کے ہاتھوں گلہائے عقیدت پیش کئے گئے۔
مقابلے کی شرائط ارشد فردوسی سر نے بیان کیں۔ صدر مجلس ظہیر قدسی صاحب نے لطیفہ پیش کرکے لطیفہ گوئی کے مقابلے اور مجاور مالیگاؤنوی صاحب نے ہزل پیش کرکے ہزل گوئی کے مقابلے کا آغاز کیا۔ طلبہ نے بہترین انداز میں لطیفے اور ہزل پیش کرکے محفل کو لالہ زار کردیا۔ شکیل انصاری سر ، عبدالرحمن سر اور سعید خلیل سر نے جج کے فرائض ادا کئے۔
بعد ازاں اپنے تاثرات میں آصف سبحانی صاحب نے اسکول سے جڑے دلچسپ واقعات سنائے۔ مجاور مالیگاؤنوی صاحب نے اپنی مزاحیہ شاعری سے سماں باندھ دیا۔ انتظامیہ کی نمائندگی کرتے ہوئے انجمن کے نائب صدر جمیل احمد کرانتی صاحب نے شریک مقابلہ طلبہ اور تیار کرنے والے اساتذہ کی حوصلہ افزائی کی۔ چیف جج شکیل انصاری سر نے اسپورٹس ویک کے انعقاد اور بہترین انتظامات پر اسکول کی تعریف کی۔اسی دوران سپروائزر احمد مجتبی سر نے زمانہ طالب علمی میں مقابلہ ہزل میں اول انعام پانے والی ہزل کے کچھ اشعار پیش کئے۔ ۔ مقابلے کے جج سعید خلیل سر نے نتائج کا اعلان کیا۔ دونوں ہی مقابلوں میں اول دوم و سوم آنے والے طلبہ کا مہمانوں کے ہاتھوں پھولوں سے استقبال کیا گیا۔ ان طلبہ کو 3 جنوری 2023 بروز منگل کو تقسیم انعامات کے دن انعامات سے نوازا جائے گا۔ اس تقریب کی نظامت کے فرائض سعود سر نے بحسن و خوبی ادا کئے۔ صوفیہ میڈم کے رسم شکریہ پر تقریب کا اختتام ہوا۔
فقط ۔ شعبہ نشر و اشاعت اے ٹی ٹی ہائی اسکول اینڈ جونیئر کالج ۔ مالیگاؤں۔
ڈاکٹر محمد حسین مشاھد رضوی صاحب کی صدارت اور صدیقی سلیم شہزاد سر کی نظامت میں منعقدہ تقریب کا آغاز پانچویں اے کے طالب علم عبدالرحمن کلیم احمد کی تلاوت سے ہوا. ارشد فردوسی صاحب نے تحریک وتائید صدارت پیش کی. ہیڈماسٹر اشفاق صدیق صاحب نے مہمانوں کے اعزاز میں استقبالیہ کلمات ادا کیے. نعیم سلیم سر نے مہمانان کرام کا تعارف پیش کیا. اراکین انجمن چئیرمین کلچرل کمیٹی و وائس پریسیڈنٹ جمیل احمد کرانتی صاحب ، آنریری سیکرٹری پروفیسر عبدالمجید صدیقی صاحب، سراج سیٹھ، اور ہیڈ ماسٹر اشفاق صدیق، اسسٹنٹ ہیڈماسٹر عبدالرشید پنجاری، اسسٹنٹ ہیڈماسٹر جونیئر کالج امین سر، سپروائزرس عبدالستار سر، احمد مجتبٰی سر، اور محی الدین شیخ سر صاحبان کے ہاتھوں مہمانان کرام ڈاکٹر مشاہد رضوی ، اقبال نذیر، سعید امین اشرفی، مولانا نعیم الظفر، شفیق ایوب سر، مشیر سر، کے ایف انصاری سر، مصطفیٰ آفندی سر، رئیس سر دھولیہ ، امتیاز صابری صاحبان کو گلہائے عقیدت پیش کرتے ہوئے استقبال کیا گیا.
اغراض و مقاصد مولانا سید اظہر قادری سر نے بیان کیے.
اس کے بعد مقابلہ حمد شروع ہوا جس کی نظامت شکیل حنیف سر نے کی. بعدہ مقابلہ نعت کے امیدوار طلبا نے نعت پاک پیش کی. پھر تاثرات کا سلسلہ شروع ہوا. انتظامیہ کی نمائندگی کرتے ہوئے پروفیسر عبدالمجید صدیقی صاحب نے تمام طلبہ کو بہترین پیشکش پر مبارکباد دی. اساتذہ کی محنتوں کا اعتراف کیا. سبکدوش معلم سعید امین اشرفی صاحب نے حمد ونعت کی اہمیت کے ساتھ ہی ہر طالب علم کو کم از کم ایک حمد اور ایک نعت پاک یاد کرنے کا پیغام دیا. امتیاز صابری صاحب نے نعت پاک پیش کرکے سماں باندھ دیا.
چیف جج مولانا نعیم الظفر ملی صاحب نے قرآن و احادیث مبارکہ کی روشنی میں اپنے تاثرات کا اظہار کیا. تمام شرکاء مقابلہ بچوں کی حوصلہ افزائی کی. کامیاب طلبہ کو دعاؤں نیک خواہشات سے نوازا.
ڈاکٹر محمد حسین مشاھد رضوی صاحب نے خطبہ صدارت میں اپنے زمانہ طالب علمی کے اساتذہ کو یاد کرتے ہوئے انہیں خراج عقیدت پیش کیا. حمد ونعت مبارکہ کی فضیلت بیان کی اور اپنے تازہ حمدیہ نعتیہ کلام سے محظوظ کیا. اخیر میں جج محترم مشیر سر نے نتائج کا اعلان کیا. انعام یافتہ طلبہ کو سعید امین سر کی جانب سے نقد اور صدر موصوف نے کتابوں کے تحائف سے نوازا. رئیس کریم سر کے شکریے پر یہ خوبصورت تقریب اختتام کو پہنچی.
شعبہ نشرو اشاعت اے ٹی ٹی ہائی اسکول اینڈ جونیئر کالج مالیگاؤں
الحمدللہ بڑی خوشی کا مقام ہے کہ ایک طرف اے ٹی ٹی بوائز کی ٹیم نے لگاتار 23 سالوں سے کبڈی میں اپنی بادشاہت قائم رکھتے ہوئے چمپیئن کا اعزاز اپنے پاس رکھا ہے وہیں اے ٹی ٹی گرلس انڈر 19 کبڈی ٹیم نے بھی ڈسٹرکٹ چمپیئن کا اعزاز اپنے نام کرتے ہوئے اپنا ‛ اپنی اسکول اور والدین کا نام روشن کیا۔ مورخہ 21 نومبر 2022 بروز اتوار مالیگاؤں ہائی اسکول میں ہونے والے انڈر 19 گرلس کے مقابلے میں اے ٹی ٹی کی طالبات نے فائنل میں مالیگاؤں گرلس ہائی اسکول کی طالبات کو کراری شکست دیتے ہوئے فائنل چمپیئن کا اعزاز اپنے نام کیا۔ یہ بچیاں اب ڈویژن لیول پر ناسک ڈسٹرکٹ کی نمائندگی کریں گی۔ اس شاندار کامیابی پر ہیڈماسٹر اشفاق صدیق سر ‛ انتظامیہ انجمن ترقی تعلیم ‛ آفس بیئررس اور جملہ اسٹاف کی جانب سے کامیاب بچیوں اور پی ٹی ٹیچرس عبدالستار سر ‛ شفیق کلر سر ‛ نجیب سر ‛ نعیم صدیقی سر اور شاہد سر کو ہدیہ تبریک پیش کیا جاتا ہے اور مستقبل کیلئے نیک خواہشات کا اظہار کیا جاتا ہے۔ اللہ کرے زور ہنر اور زیادہ۔
فقط ۔ شعبہ نشرواشاعت اے ٹی ٹی۔
رونق اسٹیج رہے۔ صدر مجلس جمیل احمد کرانتی صاحب نے خطبہ صدارت پیش کیا۔ فہیم سر کے رسم شکریے کے ساتھ پروگرام کا اختتام ہوا۔ نظامت کے فرائض مسعود جمال سر نے ادا کئے۔
*فقط ۔ شعبہ نشروااشاعت ۔ اے ٹی ٹی*
یاد رہے کووڈ 19 کے بڑھتے معاملات کے تناظر میں گذشتہ دنوں ہی پہلی سے آٹھویں کے طلبہ کے تعلق سے بھی ایسا ہی فیصلہ کیا جاچکا ہے۔
یہ سہ رخی عمارت ہے جس کے تینوں رخوں پر اردو ۔ مراٹھی اور انگلش میں دستور کی تمہید لکھی ہوئی ہے اور اوپر اشوک استمبھ نصب ہے۔ عمارت کو آس پاس خوبصورت جھاڑیوں سے سجایا گیا ہے۔ یہ عمارت مالیگاؤں کے سات شہیدوں کی یادگار کے طور پر تعمیر کی گئی ہے۔ جس کیلئے کارپوریٹر مستقیم ڈگنٹی کے کارپوریٹر فنڈ کا استعمال ہوا ہے۔
اس یادگار کو لے کر عوام میں کافی تجسس اور جوش و خروش دیکھنے میں آیا۔
باوثوق ذرائع سے پتہ چلا ہے کہ اس سے متصل پرانی یادگار پر عنقریب شہیدوں کا نام کندہ کیا جائے گا۔ جس کیلئے فریڈم فائٹر انصاف کمیٹی تمام قانونی اقدامات اٹھا رہی ہے۔ ان شاء اللہ بہت جلد قانونی طور پر شہداء کا نام یادگار پر درج ہوگا۔
جیسے امریکہ کا ناسا ہے ویسے ہی اسرو بھارت کا خلائی ادارہ ہے جو خلائی سائنس میں دنیا کا ایک معتبر نام ہے۔
اسرو کا ہیڈکوارٹر بنگلورو میں ہے۔ اسی طرح اس کے پانچ ذیلی مراکز ہیں۔
مختلف ریاستوں کے اہم اور قابل تیکنیکی اداروں میں اس کے نوڈل سینٹرس بنائے گئے ہیں۔ جہاں سے اسرو کے تحقیقاتی امور اور ٹریننگ وغیرہ انجام دیے جاتے ہیں۔
منصورہ ناسک ضلع کا پہلا ادارہ ہے جسے یہ اعزاز ملا ہے۔
ویسے نوڈل سینٹر عام طور پر اس مرکز کو کہا جاتا ہے جہاں کاغذات کا ویریفیکیشن ہوتا ہے۔ اس طرح منصورہ اب ناسک ضلع میں اسرو کے سینٹر کے طور پر کام کرے گا۔ جو کہ شہر کیلئے قابل فخر بات ہے۔
یہ گہن شام 7 بج کر 3 منٹ پر شروع ہوا اور رات 12 بج کر 23 منٹ تک رہے گا۔
لیکن امریکہ ۔ ارجنٹائنا ۔ چلی وغیرہ میں دیکھا جاسکے گا۔ انڈیا میں رات ہونے کی وجہ سے نہیں دکھے گا۔
آج ریاستی وزیر تعلیم ورشا گائیکواڑ ۔ گریجویٹ حلقے کے ایم ایل ایز اور محکمہ تعلیمات سے منسلک آفیسران کی اہم میٹنگ میں 10 جولائی 2020 کا وہ جی آر رد کرنے کا فیصلہ کیا گیا جس کی رو سے یکم نومبر 2005 سے قبل تقرری پانے مگر فل پیمینٹ پر نہ آنے والے ہزاروں اساتذہ کو پرانی طرز کی
آج یہ خبر ناسک ضلع کے تعلیمی حلقوں میں زیر بحث رہی کہ پانچویں سے آٹھویں کلاسیس شروع ہورہی ہیں۔ یاد رہے مہاراشٹر کے 25 اضلاع میں 23 نومبر سے نویں سے بارہویں یعنی بڑے بچوں کی کلاسیس جاری ہیں۔ اب ان اضلاع میں محکمہ صحت کی اجازت ملنے کے
اکھل بھارتیہ اردو شکشک سنگھ11138 کو ملی بڑی
