مورخہ 21 نومبر 2022 بروز پیر اے ٹی ٹی ہائی اسکول اینڈ جونیئر کالج ‛ مالیگاؤں میں دسویں اور بارہویں کے طلبہ کے سامنے معروف موٹیویشنل اسپیکر ڈاکٹر نورخان صاحب نے موٹیویشنل لیکچر پیش کیا۔ بعد ازاں معروف ڈرامہ نگار مجیب خان صاحب اور ان کی ٹیم نے نشے کے نقصانات پر شاندار ون ایکٹ پلے پیش کیا۔ ممبئی اور بھیونڈی سے تشریف لائے نامور و معزز مہمانوں پر مشتمل یہ پروگرام ہیڈماسٹر و انتظامیہ اے ٹی ٹی ہائی اسکول اینڈ جونیئر کالج اور عرفان برڈی توصیفی کمیٹی کے اشتراک سے منعقد ہوا۔ جس کے کنوینر انجمن ترقی تعلیم کے نائب صدر جمیل احمد کرانتی صاحب اور ہیڈ ماسٹر اشفاق صدیق سر تھے۔ عرفان برڈی صاحب کی عمر 64 برس ہے اور اس مناسبت سے موصوف نے 64 بامقصد اور اصلاحی تقاریب منعقد کرنے کا بیڑا اٹھایا ہے۔ اے ٹی ٹی میں منعقد ہونے والی یہ تقریب اسی سلسلے کی 49 ویں کڑی تھی۔ اس بامقصد تقریب کی صدارت جمیل احمد کرانتی صاحب نے کی۔ تقریب کا آغاز قاری آصف سر کی قرات سے ہوا۔ راشد جمیل سر نے تحریک و تائید صدارت پیش کی اور تقریب کے اغراض و مقاصد بیان کئے۔ ہیڈماسٹر اشفاق صدیق سر نے استقبالیہ کلمات ادا کئے اور مہمانوں کی خدمت میں گلوں کا نذرانہ پیش کیا۔ بیرون شہر سے تشریف لائے عرفان برڈی صاحب ۔ ڈاکٹر نور خان صاحب ۔ مجیب خان صاحب کے ساتھ پروفیسر عبدالماجد انصاری صاحب ۔ انجمن ترقی تعلیم کے سکریٹری عبدالمجید صدیقی صاحب ۔ ہیڈماسٹر اشفاق صدیق سر ‛ اسسٹنٹ ہیڈماسٹر عبدالرشید پنجاری سر، اسسٹنٹ ہیڈماسٹر جونیئر کالج محمد امین سر، سپروائزرس عبدالستار سر، احمد مجتبٰی سر اور محی الدین سر
رونق اسٹیج رہے۔ صدر مجلس جمیل احمد کرانتی صاحب نے خطبہ صدارت پیش کیا۔ فہیم سر کے رسم شکریے کے ساتھ پروگرام کا اختتام ہوا۔ نظامت کے فرائض مسعود جمال سر نے ادا کئے۔
*فقط ۔ شعبہ نشروااشاعت ۔ اے ٹی ٹی*
کوئی تبصرے نہیں:
ایک تبصرہ شائع کریں