یوم آزادی پر نظم

 *مجھے آزاد کردو نا*

مری خوش قسمتی ہے کہ
وطن آزاد ہے میرا
یہ سچ ہے سانس لیتا ہوں
میں اک آزاد بھارت میں
مگر میں قید میں کیوں ہوں
علاقائی تعصب کی,
اجڈ فرقہ پرستوں کی,
کرپشن جیسی لعنت کی,
رلانے والی غربت کی,
دھرم کے نام دنگوں کی,
سیاسی ووٹ منگوں کی
بتاؤ قید میں کیوں ہوں
مجھے آزاد کر دو نا
وطن آزاد ہے میرا
مجھے آزاد کر دو نا
تعصب سے, کرپشن سے,
دھرم کے ٹھیکے داروں سے,
جو لڑتے ہیں لڑاتے ہیں
سبھی ایسے گنواروں سے
مجھے آزاد کر دو نا
وطن آزاد ہے میرا
مجھے آزاد کر دو نا
مجھے آزاد کر دو نا
(شکیل حنیف)