Khanda.n Malegaonvi خنداں مالیگاؤنوی

*⚪ تعارف:: شعرائے مالیگاؤں ⚪*
*پیشکش نمبر :::::: 3 :::::::*
..................................................................

*"اپنــــــــــی مٹّـــــــــی ســــــــونا ھـــــــے"*

..................................................................

*خـنؔــــــــــداں مالیـــــــــگانوی*

میرا نام عبدالغفور حاجی نبی بخش ہے۔ میری پیدائش مالیگاؤں کی ھے اس وقت میری عمر ٨٠ برس ہے۔ مولوی عبدالکریم خادم صاحب مالیگانوی سے اردو فارسی عربی کی تعلیم حاصل کی۔
بعدہُ شاعری کا شوق ہوا جو کچھ بھی لکھا خادم صاحب ہی سے اصلاح لیتا رہا۔ تبرکاً کبھی کبھی حاجی سیّد تجؔمل جلالپوری صاحب سے چند غزلوں پر اصلاح لیا ہوں۔ چونکہ میرے دادا استاد تھے۔ سالکانِ طریقت کی خدمت کا شوق ہوا تو حضرت مولانا سیّد ابو محّمد شاہ برکت علی صاحب نور اللہ مرقدہُ نقشبندی مجددی کا مرید ہوگیا۔

        میری تصنیفات میں گلشنِ خوش دل ، انتخابِ پری جمال ، اسلام کا جھنڈا ، ستارۂ تاج ، دربارِ توحید وغیرہ شائع ہوچکی ہے۔ قلمی نسخہ میں کلامِ خنداں ترتیب شدہ ہے۔ نعتیہ مجموعہ بھی تیّار ہے۔

ناچیز:- خنؔداں برکتی           5 نومبر 1945ء

* غـــــــــــــزل *

جو سننا ہے تو ہمیں سے سنو بیانِ دل
نہ ہم سا دوسرا کوئی ہے ترجمانِ دل

عروج پر رہے پھر کیوں نہ عزّ و شانِ دل
ہے سجدہ گاہ بنا سنگِ آستانِ دل

اٹھایا ہے میری آنکھوں نے نوح کا طوفاں
یہ ڈر ہے بیٹھ نہ جائے کہیں مکانِ دل

تڑپ تڑپ کے شبِ ہجر جان دے دیتا
امیدِ وصل نہ ہوتی جو درمیانِ دل

چھپا رہا ہوں نگاہوں سے انکے پہلو میں
کہ نذرِ برق نہ ہوجائے آشیانِ دل

کسی کی آتشِ الفت ہوئی شرر افشاں
کہیں لپک میں نہ پڑ جائے اب مکانِ دل

بہارِ وصل جو زندہ رہینگے لوٹیں گے
ابھی تو خلق میں ہے موسمِ خزانِ دل

نہاں نظر سے نہ جانے کہاں ہوا خنؔداں
کہ ڈھونڈنے سے بھی ملتا نہیں نشانِ دل

_________*★ :: پیشکش:: ★*_________
*بزمِ تنویرِ ادب وہاٹس ایپ گروپ*