خبروں کے مطابق راجستھان کے سنچور گاؤں کے لوگ کل صبح اس وقت حیران رہ گئے جب انہوں نے آسمان سے کسی چیز کے گرنے کی زوردار آواز سنی۔ لوگوں نے دیکھا کہ پتھر جیسی کوئی چیز ہے۔ انہوں نے فورا انتظامیہ اور پولس کو خبر دی۔ پولس نے اس جگہ کا جائزہ لیا اور 2.8 کلوگرام کا ایک پتھر اپنی تحویل میں لیا۔ ابتدائی تحقیق سے پتہ چلا ہے کہ یہ ایک شہابی پتھر ہے جو آسمان سے گرا ہے۔ مزید تحقیقات کیلئے اسے دہلی بھیجا جارہا ہے۔ اس پتھر کے گرنے کی آواز دوکلومیٹر دور تک سنی گئی۔