امتیاز خلیل شہر کے اولین صحافی ہیں جو قومی و عالمی سطح پر الیکٹرانک میڈیا سے جڑے اور شہر کا نام روشن کیا۔ آپ ایک پروقار شخصیت کے مالک ہیں۔ اردو ادب سے گہرا لگاؤ ہے۔ شہر میں اردو کتاب میلہ اور نشہ مکت مالیگاؤں جیسے کئی پروگراموں کی قیادت کی۔ ابتدا میں آپ ای ٹی وی اردو سے منسلک رہے اور بہترین انداز میں اینکر کے فرائض انجام دئے۔ گذشتہ دس سالوں سے آپ وژن انڈیا پروڈکشنس نام سے اپنا خود کا پروڈکشن ہاؤس چلا رہے ہیں جس کے ذریعے دستاویزی فلمیں بنائی جاتی ہیں۔ ان کی تیار کردہ کئی دستاویزی فلموں کو عالمی پیمانے پر سراہا گیا ہے۔ آپ ہمارا مالیگاؤں وہاٹس ایپ گروپ HMWG کے بھی فعال رکن ہیں۔