دنیا میں کسی کو کچھ ملے یا نہ ملے لیکن ہر انسان کو ایک دولت ضرور ملتی ہے اور اس دولت کا نام ہے والدین۔ جس نے اس دولت کی قدر کی وہی حقیقی امیر انسان ہے۔
✍🏻 *شکیل حنیف* Ⓜ️♓
دوستو یاد کیجیے۔ آپ نے اپنے والدین سے آخری بار کب بات کی تھی ؟ اگر ساتھ رہتے ہیں تو کیا آپ ان کے پاس بیٹھتے ہیں ؟ ایک ساتھ گھر میں رہ کر بھی اکثر ہم ان سے بہت دور ہوتے ہیں۔ کیا کبھی آپ نے ان کا حال چال اور ضرورت پوچھی ہے ؟ صرف جمعہ کو پگار یا اٹھان دے دیتے ہیں یا کبھی دلجوئی بھی کی ؟ اگر ساتھ نہیں رہتے تو کتنے دن سے ملاقات نہیں کی ؟ یاد کیجیے ؟ اگر آپ ایسا نہیں کر رہے ہیں تو کوئی بات نہیں۔ *اب بھی دیر نہیں ہوئی ہے۔* آج ہی دن یا رات میں کبھی بھی ان سے پیار سے بات کیجیے کیونکہ آپ خوش نصیب ہیں کہ *آپ کی دولت اب بھی زندہ ہے۔* اور اگر خدانخواستہ ان کا انتقال ہوگیا ہے تو یاد کریں کہ پچھلی بار ان کیلئے کب دعا کی تھی۔ روزانہ نہیں تو ہفتے میں ایک بار ان کی قبر پر ایصال ثواب کرآیا کریں ؟ اگر بہت مصروف رہتے ہیں تو جہاں ہوں وہیں سے ہرنماز کے بعد یا کم از کم دن میں ایک مرتبہ ایصال ثواب کردیا کریں کیونکہ اب بھی دیر نہیں ہوئی ہے۔ کیا پتہ کب ہم بھی چلے جائیں۔
کوئی تبصرے نہیں:
ایک تبصرہ شائع کریں