میری ایک آزاد نظم
نوجوانوں کے دلوں کی عکاس
چلو ھم ایسا کرتے ھیں
چلو ھم ایسا کرتے ھیں
محبت چھوڑ دیتے ھیں
جسے دیکھا ھے ھم تم نے
وہ سپنا توڑ دیتے ھیں
مجھے تم یاد مت کرنا
تمہیں میں بھول جاتا ھوں
نہ تم کو کچھ لکھوں گا میں
نہ تو تم مجھ کو کچھ لکھنا
مجھے بھی نیند آۓ گی
تمہیں بھی چین آۓ گا
مگر سن اے مرے ھمدم
تمہیں میں بھول بھی جاؤں
مگر دل جس کو کہتے ھیں
اسے کیسے مناؤں گا
بھلانا لاکھ چاھوں میں
بھلا ہرگز نہ پاؤں گا
مجھے تم یاد آؤگی
تمہیں میں یاد آؤں گا
بڑا آساں ھے کہہ دینا
چلو ھم ایسا کرتے ھیں
چلو ھم ویسا کرتے ھیں
✍ شکیل حنیف , ھمارا مالیگاؤں۔
www.hamaramalegaon.blogspot.com