کل 24 جنوری بروز اتوار قدوائی روڈ پر شہیدوں کی یادگار سے متصل ایک خوبصورت تعمیر بنام یادگار شہدائے آزادی مالیگاؤں کا افتتاح اپوزیشن لیڈر شان ہند نہال احمد کے ہاتھوں عمل میں آیا۔
یہ سہ رخی عمارت ہے جس کے تینوں رخوں پر اردو ۔ مراٹھی اور انگلش میں دستور کی تمہید لکھی ہوئی ہے اور اوپر اشوک استمبھ نصب ہے۔ عمارت کو آس پاس خوبصورت جھاڑیوں سے سجایا گیا ہے۔ یہ عمارت مالیگاؤں کے سات شہیدوں کی یادگار کے طور پر تعمیر کی گئی ہے۔ جس کیلئے کارپوریٹر مستقیم ڈگنٹی کے کارپوریٹر فنڈ کا استعمال ہوا ہے۔
اس یادگار کو لے کر عوام میں کافی تجسس اور جوش و خروش دیکھنے میں آیا۔
باوثوق ذرائع سے پتہ چلا ہے کہ اس سے متصل پرانی یادگار پر عنقریب شہیدوں کا نام کندہ کیا جائے گا۔ جس کیلئے فریڈم فائٹر انصاف کمیٹی تمام قانونی اقدامات اٹھا رہی ہے۔ ان شاء اللہ بہت جلد قانونی طور پر شہداء کا نام یادگار پر درج ہوگا۔
جیسے پرانی شہیدوں کی یادگار پر مالیگاؤں کے شہیدوں کا نام لکھنے میں بہت تاخیر ہو رہی تھی تو اس عمارت پر دستور کی تمہید کی جگہ گر ہم نے ان شہیدوں کا نام ہی لکھ دیا ہوتا تو اور بہتر ہوتا۔ پرانی والی عمارت پر لکھا جاتا رہے گا جب اس کا وقت آئے گا اور جب اس کی قانونی کاروائیاں پوری ہوگی۔
جواب دیںحذف کریں