*روزہ ۔۔۔۔ تزکیہ نفس۔۔۔۔جسمانی ریساٸیکل*
*اور مریضوں سے بھرے دواخانے*
*ذمہ دار کون ۔۔۔۔۔۔۔۔۔؟؟؟؟
نصف رمضان قریب الختم ہے عامتہ المسلمین کی ایک بڑی تعداد اپنے رب کی مطیع و فرمانبردار بننے کی کوشش کررہی ہے ۔۔۔۔۔۔۔۔۔۔روزوں کے نور سے جہاں لوگوں کے چہرے دمک رہے ہیں ۔۔ وہیں
مساجد بھی اپنی عارضی تنگ دامنی پہ ماتم کناں ہیں۔۔۔۔۔۔۔۔صدقہ و خیرات کا دامن وسیع سے وسیع ہوچکا ہے ۔۔۔۔۔ فریضہ زکواة کی اداٸیگی کا سلسلہ شروع ہوچکا ہے ۔۔۔۔۔۔۔۔۔۔دعوت افطار کی تقاریب کے روح پرور مناظر آنکھوں کو ٹھنڈک پہنچارہے ہیں ۔۔۔۔۔۔۔ اللہ پاک ہر بندے کی چھوٹی سے چھوٹی نیکیوں کو قبول فرماٸے اور اپنی شان کے مطابق اجر عطا فرماٸے ۔۔۔۔۔۔۔آمین*
*روزہ سے انسانی جسم پر جسم کے ایک ایک عضو پر مثبت اثرات مرتب ہوتے ہیں ۔۔۔۔۔ روزہ چھوٹی سے چھوٹی بیماریوں کے ساتھ ساتھ کینسر جیسی موذی بیماری سے بھی بچاٶ کا سبب بنتا ہے ۔۔۔۔۔۔ آج کی جدید ساٸنس بھی مختلف تحقیق اور اربوں ڈالر کے زیاں کے بعد روزہ کے فواٸد کو تسلیم کرنے پر مجبور ہے ۔۔۔۔۔۔۔۔۔جبکہ ہمارا ایمان تو 1400 سال پہلے سے ہی ہے کیونکہ خالق کاٸنات نے وجہ کاٸنات کی زبانی فرمادیا تھا اور ہم سب کا اس پر ایمان ہے ۔۔۔۔۔۔۔۔ اللہ پاک ہمارا خاتمہ بھی ایمان پر فرماۓ۔۔آمین*
*لیکن ہمارے مشاہدے میں کیا ہے ۔۔۔ زمینی حقاٸق کیا ہیں ۔۔یہ کسی سے ڈھکا چھپا نہیں ہے ۔۔۔۔۔۔۔۔ہر خاص و عام اپنی ماتھے کی آنکھ سے دیکھ سکتا ہے ۔۔۔۔۔۔۔۔شہریان کی بڑی تعداد روزہ رکھکر فراٸض و نوافل کی کثرت کرکے رب کی رضامندی کی طلبگار ہے ۔۔۔۔۔۔۔۔۔۔۔۔۔۔۔اسی کے ساتھ ساتھ سرکاری اور پراٸیوٹ دواخانے بھی مریضوں کی کثرت سے دوچار ہیں ۔۔۔۔۔۔۔۔۔۔۔۔۔۔۔ایسا کیوں ۔۔۔۔۔روزہ سے تو بیماریاں ختم ہوتی ہیں نا ۔۔۔۔۔۔۔۔۔۔۔۔۔۔بے شک میرے رب کے فرمان میں شک کی کوٸی گنجاٸش ہے ہی نہیں ۔۔۔۔۔۔۔۔۔۔۔۔لیکن یہاں پر چند افراد اور کرپٹ آفیسران کی لاپرواہی کوتاہی بددیانتی اور دھوکہ دہی کا قصور ہے ۔۔۔۔۔۔۔۔۔۔۔۔۔۔رمضان المبارک میں ہر قسم کے پھل فروٹ تک عام آدمی کی رساٸی ہوتی ہے ۔۔۔۔۔۔ ذخیرہ اندوز اور لالچی قسم کے تاجر اپنے دنیاوی منعفت کے لیۓ انسانی جانوں سے کھلواڑ کرتے ہیں ۔۔۔۔۔۔۔۔۔کچے پھلوں کو اپنے بڑے بڑے گوڈاٶنوں میں اسٹور کرکے مختلف دواٶں اور مضر کیمیکل کے ذریعے ان پھلوں کی ظاہری ہیٸت کو خوشنما کردیا جاتا ہے ۔۔۔۔۔۔۔۔۔ اور اپنے آپ کو دھوکہ دے کر عوام کو بھی دھوکہ دیا جاتا ہے ۔۔۔۔۔۔مضر کیمیکل سے پکا کر ان پھلوں کو چاٸے پانی کرتے ہوٸے بیڑی سگریٹ پیتے ہوٸے گلا پھاڑ پھاڑ کر چلا چلا کر روزہ داروں کو فروخت کیا جاتا ہے اور تو اور عام دنوں کی بہ نسبت ان پھلوں کے دام بھی دگنا تین گنا اور کہیں کہیں تو چار گنا وصول کیا جاتا ہے ۔۔۔۔۔۔۔۔۔۔جمعہ کے روز اور خاص طور پر 27 روزے کو جس کو بڑا روزہ بھی کہا جاتا ہے یہ لالچی دنیا پرست لوگ من مانی دام وصول کرتے ہیں ۔۔۔۔۔۔۔۔۔۔ احتجاج یا باز پرس کرنے پر یہ عذر لنگ پیش کرتے ہیں کہ ہم کو بھی مہنگا مل رہا ہے ہم کیا کریں ۔۔۔۔۔۔۔۔۔۔۔لینا ہو تو لو ورنہ مت لو ۔۔۔۔۔۔۔ جیسے دوٹوک الفاظ بول کر روزہ داروں کو بلیک میل کیا جاتا ہے اور عوام کو مجبوراََ وہ کچا پھل جس کو زبردستی پکایا جاتا ہے وہ خرید کر اپنے گھروں کو لے جانے پر مجبور ہونا پڑتا ہے ۔۔۔۔۔۔۔۔ اور اس کے ساتھ ڈاٸیریا بلڈ پریشر دمہ اور مختلف اقسام کی بیماریاں مفت میں مل جاتی ہے ۔۔۔۔۔۔۔۔۔۔اور عوام عید کی تیاریوں کے ساتھ ساتھ دواخانوں کے چکر کاٹنے پر مجبور ہوجاتی ہے ۔۔۔۔۔۔۔۔۔*
*جوان اور تندست قسم کے افراد تو اکثر ان زہریلے پھلوں کے مضر اثرات تو جھیل لیتے ہیں لیکن چھوٹے چھوٹے معصوم بچے اور بزرگ حضرات اس کی چپیٹ میں آکر مالی جسمانی اور ذہنی کوفت اٹھانے پر مجبور ہوجاتے ہیں۔۔۔۔۔۔۔۔۔کہ عید کے موقع پر گھر کا کوٸی فرد بچے یا بزرگ اگر بیمار رہ جاٸے تو پورے خاندان کی عید کی خوشیاں ماند پڑ جاتی ہیں*
*اس ضمن میں کون رہنماٸی کرے گا تاکہ عوام کا روپیہ اور وقت ضاٸع نہ ہو اور وہ یکسوٸی سے عبادت و ریاضت کا لطف لے سکیں ۔۔۔۔۔۔۔۔۔۔۔۔ان سونے کے سکوں سے محبت کرنے والے بددیانتوں تک تجارت کے شرعی احکام کب پہنچاٸیں جاٸیں گے کہ مسجد و میناروں کے شہر میں مسلم اکثریت ہونے کے باوجود علما حفاظ و مفتیان کی کثرت اور کارپوریشن میں مسلم نماٸدوں کی بھرمار اسمبلی میں مسلم رکن اسمبلی کے ہونے کے باوجود بھی اگر اتنے بڑے پیمانے پر عوام کی جان سے کھلواڑ کیا جاٸے گا تو پھر اسکا ذمہ دار کون ۔۔۔۔۔۔۔۔۔۔۔۔۔۔۔۔۔؟؟؟؟؟*
✍ *۔۔۔۔۔۔۔۔۔۔۔۔اشتیاق احمد 42*
کوئی تبصرے نہیں:
ایک تبصرہ شائع کریں