*⚪ تعارف:: شعرائے مالیگاؤں ⚪*
*پیشکش نمبر :::::: 16 :::::::*
..................................................................
*پیشکش نمبر :::::: 16 :::::::*
..................................................................
*"اپنــــــــــی مٹّـــــــــی ســــــــونا ھـــــــے"*
..................................................................
*احسؔن مالیگانوی*
نام محمّد حسن تخلّص احسؔن مالیگانوی ۔ والدِ بزرگوار کا نام شیر محمّد سردار ۔ سنِ ولادت 25 مارچ 1897ء جائے پیدائش مالیگاؤں ۔ آبائی وطن خانجہان پور ضلع الہ آباد
احسؔن مالیگانوی
* غزل*
وہ دُھن تھی منزلِ مقصود کی شوقِ فراواں کو
کہ ہم صبحِ وطن سمجھا کئے شامِ غریباں کو
کہ ہم صبحِ وطن سمجھا کئے شامِ غریباں کو
نوائے غم سے کیفِ دل میں ہیجاں بھی ہوا پیدا
اگر مضرابِ الفت چھیڑ دے تارِ رگِ جاں کو
اگر مضرابِ الفت چھیڑ دے تارِ رگِ جاں کو
وہ کہتے ہیں شرارے ہیں یہ میرے حسنِ تاباں کے
فضا میں دیکھ کر اڑتی ہوئی خاکِ شہیداں کو
فضا میں دیکھ کر اڑتی ہوئی خاکِ شہیداں کو
مری موہوم ہستی خون کے آنسو رلاتی ہے
چمن میں دیکھ لیتا ہوں اگر گلہائے خنداں کو
چمن میں دیکھ لیتا ہوں اگر گلہائے خنداں کو
گناہوں سے پشیماں دیکھ کر ائے داورِ محشر
تری رحمت نے دھو ڈالا میرے دامن سے عصیاں کو
تری رحمت نے دھو ڈالا میرے دامن سے عصیاں کو
عدم آباد کی بستی بھی کیا بستی ائے احسؔن
نہ آیا کوئی واپس چھوڑ کر شہرِ خموشاں کو
نہ آیا کوئی واپس چھوڑ کر شہرِ خموشاں کو
_________*★ :: پیشکش:: ★*_________
*بزمِ تنویرِ ادب وہاٹس ایپ گروپ*
*بزمِ تنویرِ ادب وہاٹس ایپ گروپ*
کوئی تبصرے نہیں:
ایک تبصرہ شائع کریں